what is vpn in hindi? Advantages-disadvantages.

Hello dosto swagat hai apka Hindverse par, aaj ka hamara topic hai “what is vpn in hindi?”. Hamara desh jitna agey bad raha hai utna hi digital hota ja raha hai. Har roz India mein lakho log internet surf karte hai jinme zyada tar log hum jaise aam hi hote hai jo ya to koi jankari lene ke liye internet par aate hai ya fir apna manoranjan karne ke liye.

Ab india ek esa desh hai jaha zyadatar log har chiz bas free mein pana chahte hai. Jaise koi new movie release hui hai to hum chahte hai ki hum usey free mein internet se download kar paye lekin hamari goverment esi websites par banned laga kar rakhti hai to hum esi websites ko access nahi kar paate.

Lekin, Baat sirf movie download sites ki hi nahi hai esi aur bhi bohot si site hai jisko hamari govt. ne bann kiya hua hai, to agar hum esi websites ko access karna chahte hai to isi kaam mein ata hai VPN.

Jab Netflix india ko chorkar baki desho mein tha tab agar hum india se netflix ko access karne ki koshish karte the to wo nahi khul pata tha kyunki hamari government ne hume esa karne ki ijazat nahi di thi.

Lekin, agar hum VPN ka use karke netflix ko access karte the to wo khul jati thi kyunki vpn ki madad se hamare devices ka IP address change hokar kisi dusre desh ka IP address mein badal jata tha aur us desh mein netflix aa chuka tha.

To agar hum chahe to VPN ki madad se government ki banned websites ko bhi access kar sakte hai. Lekin, main esa bilkul nahi kahunga ki aap VPN ka use kare aur internet se free movies ya koi dusra copyright material download kare kyunki esa karna bilkul illegal hai aur isse apko jail bhi ho sakti hai.

What is vpn in hindi?

 

VPN ke bare mein aur janne se pehle main apko bata du ki VPN ki full form hoti hai ‘Virtual Private Network’ aur ye ek tarah ka software hota hai jise aap PC ya Mobile dono mein install kar sakte hai. Iski madad se hum sirf restricted sites ko hi nahi khol sakte balki apne internet ke istemal ko aur bhi secure bana sakte hai.

Jaisa maine pehli hi bataya ki india mein lakho log internet ka istemal karte hai lekin unme se kuch log ese bhi hote hai jo internet ko sirf apne entertainment ke liye hi nahi balki aur bhi important kaam ke liye use karte hai jaise wo apna koi zaruri data kahi transfer karte hai to ese mein ye risk hota hai ki kahi koi hacker apke data ko hack na karle aur apki zaruri jankari uske paas chali jaye. Ese unauthorized access se hi VPN apko bachata hai.

What is vpn in hindi?
What is vpn in hindi?

VPN ka istemal zyadatar badi companies karti hai jaise Government websites ya educational institutes. Agar aap bhi internet par koi zaruri kaam karte hai to apko bhi VPN ka use karna chahiye aur khastaur se agar aap kisi public network jaise metro station, Cafe, ya restaurant ke internet ka istemal kar rahe hai to apko VPN ka use zarur karna chahiye kyunki public network mein apke data ko hack hone ke chances aur bhi bad jate hai.

VPN free aur paid dono versions mein available hota hai. Alag-Alag companies ke VPN apko internet par mil jayenge jo free aur monthly subscription wale dono tarah ke honge aur agar aap bhi VPN install karne ki soch rahe to usse pehle chaliye VPN se kya-kya fayde aur nuksaan hai iske bare mein jaan lete hai.

 

VPN ke fayde.

 

To chaliye VPN install karne se pehle iske faydo ke bare mein jante hai.

  • Public network asani se use kar sakte hai– Agar aap public network ka istemal karke apna kaam kar rahe hai to VPN ki madad se aap apne internet usage safe bana sakte hai aur bina kisi dar ke internet use kar sakte hai.
  • Online security ko badata hai– Agar aap VPN ke sath internet browse karte hai to ye bohot safe hota hai. Ek badiya antivirus aur firewall hone ke baad VPN hamari internet surfing mein ek aur security layer add kar deta hai.
  • Anonymously download– Anonymous download ka matlab ye nahi hai ki aap torrent se movie download karne lage esa karna piracy kahlata hai jo ki illegal hai. Shayad aap legal file download karna chahte ho aur nahi chahte ho ki iski khabar kisi ko ho to VPN ki madad se aap esa kar sakte hai.
  • Increase loading speed– Esa bhi nahi hai ki VPN apki internet speed ko bohot bada dega lekin apki koi favourite web series hai jo load hone mein bohot time laga rahi hai to shayd VPN ke use se wo jaldi load ho sakti hai.
  • Geo restriction sites khol sakta hai– Esa bohot baar hota hai ki hum koi site open karna chahte hai lekin Geo-restriction ki wajah se hum use acces nahi kar pate lekin VPN ki madad se hum un sites ko bhi khol sakte hai.

 

VPN ke nuksaan.

 

Hum VPN ke bohot se faydo ke bare mein jaan chuke hai to chaliye ab ye bhi jante hai ki VPN ke kya-kya nuksaan hai.

  • Complicated VPN– Zyadatar VPN ka interface user friendly hota hai lekin kuch VPN ese bhi hote hai jinka interface bohot complicated hota hai aur usko use karne mein bohot dikkat aati hai.
  • Sare VPN trusted nahi hote– VPN apke IP adress ko change kar deta hai lekin change karne ke baad bhi use koi sa IP address to dikhana hi hota hai aur kabhi-kabhi esa bhi hota hai ki jo IP address apko milta hai wo pehle hi kisi galat jaga use hua ho.
  • Connection speed ko kam kar sakta hai– VPN apke data ko secure karta hai aur sath hi aur bhi bohot si chize karta hai jiske liye usko bohot se resources use karne padte hai jisse shayad wo apki internet speed ko slow kar sakta hai isliye VPN lene se pehle uspar acche se research karle.
  • Sabhi VPNs free nahi hote– Agar aap ek normal internet user hai to aap free VPN use kar sakte hai lekin usme apko bohot se advertisement milenge aur wo VPN providers apke data ko advertisers ko unki zarurat ke hisab se bech bhi sakte hai.

To ab apko pata chal chuka hai ki VPN ke kya-kya fayde aur nuksan hai. Agar aap normal internet use karte hai to aap free VPN hi le lekin usme ads ayenge aur agar aap internet par zaruri kaam karte hai to paid VPN hi use kare kyunki paid VPN providers apke data ko surakshit rakhte hai.

Ab aap jaan chuke hai what is vpn in hindi, vpn kya hai aur uske kya-kya fayde aur nuksan hai. To chaliye ab ye bhi jante hai ki PC aur Mobile ke liye best VPN konse hai aur dono par hi free VPN kaise install kare.

 

Best paid VPN services for PC.

 

  1. VyprVPN
  2. ExpressVPN
  3. NordVPN
  4. Buffered
  5. IPVanish
  6. Hotspot Sheild
  7. VPNArea

Best free VPN services for PC.

 

  1. Hotspot Shield VPN
  2. TunnelBear VPN
  3. Proton VPN
  4. Windscribe VPN
  5. HideMe VPN
  6. Zoog VPN
  7. Speedify VPN
  8. Opera VPN

Ye hai best free aur paid VPN services for pc aap jaise internet user hai usi hisab se service chune har paid VPN ke features alag-alag hote hai aur sare free VPNs ke features lagbhag ek jaise hi hote hai aap chahe to kisi bhi link par click karke ye VPN install kar sakte hai.

 

Free VPN for pc kaise install kare?

Free wale VPNs mein mera personal favourite hai Opera VPN lekin aap jo chahe wo use kar sakte hai. Main apko ek idea de deta hu ki aap Opera VPN kaise install kar sakte hai.

Sabse pehle Opera VPN ka jo link diya hua hai us par click kijiye.

What is vpn in hindi?
opera download page.

Jab aap link par click karenge to esa page khulega jaisa upar image mein dikhaya gaya hai fir waha par jo “Download Now” ka button aa raha hai us par click karke opera browser ko download kar lijiye aur install kar lijiye aur fir opera browser open kar lijiye.

What is vpn in hindi?
Opera logo

Jab aap browser open kar lenge to esi homescreen ayegi jaisi upar image mein hai aur jaha par opera ka logo bana hua ara hai waha par click kare.

What is vpn in hindi?
opera settings.

Logo par click karne ke baad menu options aa jayenge jisme apko “SETTINGS” ke button par click karna hai aur fir ek naya tab open ho jayega. Ap chahe to keyboard par “alt+P” daba kar bhi settings ka page khol sakte hai.

What is vpn in hindi?
opera settings page.

Settings ka page esa hoga jaisa upar image mein hai fir apko page ko niche scroll karna hai aur jo “advanced” ka option ayega us par click karna hai.

What is vpn in hindi?
Opera advanced settings.

Advanced option par click karne ke baad advance features ki settings aa jayegi jisme apko niche scroll karna hai aur “VPN” ke option ko enabled kar dena hai.

What is vpn in hindi?
opera VPN enabled.

VPN enabled hone ke baad apko search bar ke paas VPN likha hua dikhega jaisa image mein hai jiska matlab hai apka VPN on ho chuka hai aur ab aap VPN secure internet surfing kar sakte hai.

 

Best paid VPN services for mobile.

 

  1. ExpressVPN
  2. NordVPN
  3. IPVanish
  4. Cyber Ghost VPN
  5. Private VPN
  6. Surfshark 
  7. Hidemyass

Best free VPN services for mobile.

 

  1. Hotspot Shield
  2. Tunnel Bear
  3. Windscribe
  4. ProtonVPN
  5. FinchVPN
  6. VPNhub

Agar aap mobile ke liye VPN install karna chahte hai to ye puri tarah se apki marzi hai ki apko mobile ke liye paid VPN use karna hai ya Free.

Waise dekha jaye to agar koi important kaam hota hai to hum use PC par hi karte hai lekin India mein internet surf karne wale 70% users mobile par hi internet use karte hai aur hum apna zyada waqt apne phone ke sath hi bitate hai to mobile mein VPN hona hamare browsing experience ko safe bhi banata hai.

Free VPN for mobile kaise install kare?

Ab baat ati hai ki hum mobile ke liye free VPN kaise install kare? Dosto maine upar jitne bhi link diye free vpn for mobile ke liye aap usme se kisi bhi link ko click karke free VPN service ka use kar sakte hai.

Ya aap sidhe Android ke liye Playstore aur iOS ke liye Appstore par search kar sakte hai VPN. Jo sabse upar aye usko sidha download nahi kare balki pehle uss app ke reviews padle aur fir acche se research karke download kare.

Lekin dhyan rahe free VPN mein ads ate hai aur unme limitation adhik hoti hai. Upar list mein jo free VPN hai unme se kuch VPNs ese bhi hai jinke free aur paid dono version available hai.

Kuch VPNs ese hai jo Mobile aur PC dono par kaam karte hai aur kuch VPNs ese bhi hai jo PC par to Paid hai lekin mobile par free hai. To agar apko PC version wala VPN Mobile Version wale VPN mein dikh jaye to samajh jaiyega wo dono versions mein available hai.

 

What is VPN in hindi par hamari soch.

To guys ab aap acche se samajh chuke hai ki what is VPN in hindi? VPN kya hai, VPN ke kya nuksan hai aur kya fayde hai aur Mobile ke liye best paid aur free VPN konse hai aur sath hi PC ke liye bhi best paid aur free VPNs kon-konse hai.

Ab aap jo chahe wo VPN use kare lekin dhyan rahe zyada VPN ke istemal se parhez kare. Umeed hai apko article pasand aya hoga agar apke mann mein VPN ko lekar koi bhi sawal ya sujhaw hai to comment karke zarur bataye aur is article ko apne dosto aur family ke sath zarur share kare.

Related posts

Leave a Comment