operating system in hindi kya hai? OS ki puri jankari.

what is operating system in hindi? OS ki puri jankari.

Hello dosto swagat hai aapka hindverse par. Aaj ka hamara topic hai “what is operating system in hindi“. Jaise insano ke liye dil zaruri hota hai wese hi computer/mobile ke liye operating system zaruri hota hai.

Asan shabdo mein kaha jaye to operating system user aur computer ke hardware ke bich ek bridge ka kaam karta hai. User jo bhi command computer ko deta hai operating system usko samajh kar computer hardware ko wahi command deta hai.

Zara sochiye agar computer apki di hui command hi na samajh paye to wo kisi kaam ka nahi rahega aur computer ko apki har command samjhane ke liye hi operating system hota hai. Lekin ye sab to bas upar ki baate hai chaliye operating system ke bare mein thora aur detail me jane.

What is operating system in hindi? (operating system kya hai)

Operating system ko short mein OS bhi kehte hai aur ye ek esa system software hota hai jo computer mein maujood har application ko chalane ka kaam karta hai jaise video player, audio player, ms word, adobe reader, note pad, games, photoshop, aur video editing software etc.

OS sirf software ko hi nahi chalata hai balki computer ke output jaise keyboard, mouse, printer etc ko bhi aap jo command dete ho usko samajh kar apke aur input/output ke bich sambandh banata hai.

Waise to bohot se logo ne alag-alag operating systems banaye hai lekin unme se kuch OS bohot famous hai jo zyadatar computers mein istemal hote hai.

Types of operating system in hindi

TYPES OF OPERATING SYSTEM IN HINDI
operating systems
Computer operating system
Mobile operatin system

Koi bhi device bina operating system ke kaam nahi kar sakta kyunki har task ke liye jaise keyboard par aapne koi button press kiya to us input ko recognize karna, Output ko display par bhejna, disk mein files aur dusri chizo ko manage karke rakhna sab kuch OS hi karta hai.

Jab computer bilkul naye aye the tab unme sirf command line interface hi hota tha jo agar aaj ke computers se tulna ki jaye to bohot boring lagega.

Aaj to lagbhag har computer mein Graphical user interface hota hai jo use karne mein bhi asan hota hai.

  • Command line interface: Is operating system ko Character user interface (CUI) bhi kehte hai kyunki isme computer ko jo bhi command dete hai wo type karke dete hai. Is interface ko kisi khas kaam ke liye use kiya jata hai. Ms DOS mein isi interface ka use hota hai.

 

  • Graphical user interface: Is interface mein user ko type karne ki zarurat nahi hoti balki isme visuals ka istemal karte hai ye use karne mein zyada interesting aur easy hota hai. Pehla graphical user interface 1970 mein xerox corporation ne design kiya tha. Hum roz isi interface ke devices use karte hai jaise Mobile, Video player, Computer etc.

 

Operating system ko do category mein divide kiya gaya hai.

  • Single user operating system: Is operating system mein computer ko ek baar mein sirf ek hi user acces kar sakta hai. PC (Personal Computer) ke liye use hone wala OS hi Single user operating system hota hai. For example: Windows 95/98/98SE/3X, Ms DOS etc.

 

  • Multi user operating system: Ye operating system ek baar mein kayi users ko ek sath computer ko acces karne deta hai. Ye computer network mein istemal hota hai jo users ko data aur applications share karne deta hai. For example: Windows 10, Linux OS, Mac OS, Ubuntu, Unix etc.

Features of operating system in hindi

Operating system bohot sare kaam karta hai chaliye in kamo ke bare mein thora detail mein jante hai.

Device management

Computer mein har program ke liye driver hote hai jaise sound driver, video driver, graphics driver, bluetooth driver, wifi driver etc. Ye drivers alag-alag input/output ko chalate hai lekin in drivers ko OS chalata hai.

WHAT IS OPERATING SYSTEM IN HINDI? (OPERATING SYSTEM KYA HAI)
process managing
Process management

Multi programming environment ki baat ki jaye to OS decide karta hai ki kis process ko kitna processor dena hai aur kitni der tak processor dena hai. Ye kaam jo OS karta hai isko process scheduling kehte hai.

File management

Operating system Information, location aur status ko ek sath karke rakhta hai. Ek file mein bohot sare Directories ko ek sath karke rakhta hai taki hum is se asani se koi bhi data dhund sake.

Memory management

Memory management ka matlab hai primary aur secondary memory ko manage karna. Memory mein bohot sare khache hote hai jinme kuch data store karke rakh sakte hai. RAM ko main memory bolte hai aur ye sabse tez chalne wali memory hoti hai jise CPU direct istemal karta hai. CPU mein jitne bhi program chalte hai sab main memory mein hi chalte hai.

 

Sofware aur user mein tal-mel

Operating system user ki har command ko samajh kar usey understand karta hai aur har output/input ke command ko samajh kar display karta hai.

System performance

Operating system koi service dene mein kitna time lagata hai ye sab record karke rakhta hai. Ye computer ke performance ko dekhta hai aur ise improve karta hai.

Error find karna

Operating system computer mein sare errors ko detect karta hai aur unhe recover bhi karta hai.

FEATURES OF OPERATING SYSTEM IN HINDI
Secure system
Security

Operating system se aap computer mein password laga kar usey secure kar sakte hai aur use unauthorized access se protect kar sakte hai. Is se computer ko aur bhi surakshit kar sakte hai. Aap chahe to kisi program mein bhi password laga sakte hai.

Operating system in hindi par hamari soch

To dosto ab apko apke sawalo ka jawab mil chuka hai jaise “what is operating system in hindi (operating system kya hai)”, “Types of operating system in hindi” aur “features of operating system in hindi“.

Hum apni roz marra ki zindagi mein ye sunte hi rehte hai jaise is computer ka OS ye hai ya is android phone mein latest OS hai.

Lekin fir bhi har kisi ko ye nahi pata hota hai ki Operating system kya hota hai aur iski jankari hona zaruri hai.

To maine apne sabhi visitors ke liye ye post likhi hai jisme maine acche se samjhane ki koshish ki hai ki operating system kya hota hai.

Umeed hai article apko pasand aya hoga agar apke mann mein operating system ko lekar ab bhi koi sawal ya sujhaw hai to hume comment karke zarur bataye aur is article ko apne friends aur family ke sath zarur share kare.

Related posts

Leave a Comment