what is networking in hindi aaj samajh lijiye.

Dosto swagat hai aap sabka hindverse par, aaj ka hamara topic hai “what is networking in hindi”. Jese-jese hum daur mein agey badte jaa rahe hamari technology bhi advance hoti jaa rahi hai. Kya apko pata hai pehle zamane mein ek message ya koi dusri information ek jagah se dusri jagah bhej pana kitna mushkil tha.

Choti se choti information bhejne ke liye bhi kisi vyakti ko khud jana padta tha jisme paisa aur waqt dono barbad hote the. Lekin, aaj network ki wajah se information bhejna sirf kuch baar ungliya chalane ke jitna hi asan ho gaya hai. Information kuch bhi ho sakti hai jese Text, Photo, Video ya Audio.

Aam logo ke liye network ko aye abhi sirf kuch dashak hi hue hai lekin network banane ki shuruaat 1960 mein hi ho gayi thi aur is network ka naam tha ARPANET jiski full form hai “Advance Research Project Agency Network” is network se pehla sandesh 29 October, 1969 ko bheja gaya tha aur is network ko aaj hum Internet ke naam se jante hai.

What is networking in hindi?

WHAT IS NETWORKING IN HINDI
Networking

Jab do ya do se zyada device ya computer wire ya wireless ke zariye jude hote  hai aur wo device aapas mein jankari share karte hai to ise network kehte hai. Wire se jodne ke liye Twisted pair cable, Coaxial cable ya Optical Fiber Cable mein se kuch bhi ho sakta hai, aur wireless se jodne ke liye Radio Wave, Bluetooth, Infrared aur Satellite mein se kuch bhi ho sakta hai.

Aasan shabdo mein kaha jaye to 2 ya 2 se adhik computer/device apas mein jude hai taki wo data share kar sake to ise hi network kehte hai. Network kayi type ke hote hai aur har network ko alag-alag kaam ke liye istemal kiya jata hai.

Network mein 2 type ki sharing hoti hai:
  • Data sharing
  • Resource sharing

Data sharing kya hai?

Jab kisi office mein sare computers wire ya wireless se aapas mein jude ho aur wo kisi bhi dusre computer mein koi file jese document, video, ya image share karte hai to ise data sharing kehte hai.

Resource sharing kya hai?

Maan lijiye kisi office mein sare computers aapas mein connected hai lekin us office mein printer sirf ek hi hai aur wo bhi sare computers se juda hua hai to jab kisi bhi computer se koi file print hogi to wo file us printer se hi print hogi to iska matlab wo sare computers ek hi resource (printer) ko aapas mein share kar rahe hai.

To ab apko apke sawal “what is networking in hindi” ka jawab mil chuka hai, lekin chaliye ab jante hai ki network ke kya fayde hai.

What is networking in hindi ke fayde

WHAT IS NETWORKING IN HINDI

1. Speed

Jo bhi device ek hi network se connect hote hai unme file transfer bohot tezi se hoti hai aur ye network par nirbhar karti hai.

2. hardware Sharing

Networking se hardware share karne mein bohot madad milti hai jese kisi bhi office ke sare computers ko sirf ek hi printer se connect karke use kiya ja sakta hai jisse har ek device ke liye alag-alag printer ki zarurat nahi padegi. Isse hardware purchasing mein bachat hoti hai.

3. Software sharing

Zyadatar online software ke networkable versions available hote hai jiska matlab hai kisi bhi software ka networkable version kharid kar usko ek hi license se un sare computers par access kiya ja sakta hai jo computers network ke zariye aapas mein jude honge.

4. Information/Files transfering

Yeh network ki bohot badi advantage hai ki isse koi bhi data ya information kahi bhi asani se share kar sakte hai ab chahe wo kuch bhi ho jaise document, video ya image etc.

5. Security

Network par kisi bhi important file ya programm ko asani se password laga kar protect kiya ja sakta hai aur fir use wahi user acces kar sakenge jinko password pata hoga.

6. Easy Communication

Duniya ka sabse bada network hai internet jiski madad se aaj hum bohot asani se kahi bhi, kabhi bhi, kisi se bhi communicate kar sakte hai. Hum jo emails, telephony, video confrencing, instant messaging etc ka fayda uthate hai wo sab network ki wajah se hi hai.

Types of network in hindi

Network ke bohot type hote hai jinhe hum unke size, unki range kitni hai aur wo kitne devices ko apne se jod sakte hai iske hisab se alag-alag baata jata hai. Waise to network ki range kisi ek kamre se lekar puri duniya tak phaili hoti hai.

Lekin aam taur par network ke 3 format hote hai LAN, MAN, aur WAN.

Local area network (LAN)

WHAT IS NETWORKING IN HINDI
Local area network

LAN sabse sidha-sadha network hota hai. Is network ka istemal zyadatar Schools, Colleges, Organization aur small businesses mein hota hai. LAN ka kaam hota hai 2 ya 2 se zyada computer devices ko apas mein jodna.

LAN network se Computer wire ya wireless dono tariko se hi jode jaa sakte hai. Lekin aaj-kal wireless tarike ka zyada use hone laga hai.

Humne abi upar jo Data sharing aur Resource sharing ke bare mein baat ki thi usme bhi LAN network ka hi istemal hota hai.

LAN ke features
  • Ye network surakshit hota hai.
  • Is network mein data transfer ki speed bohot tez hoti hai.
  • Ye room, floor, ya puri building tak simit hota hai.
  • Isme data ko sambhal ke rakhna asan hota hai.
  • Is mein koi bahar ka network kiraye par nahi lena padta.

Metropolitan area network (MAN)

WHAT IS NETWORKING IN HINDI
Metro area network

MAN ek esa network hai jo LAN se bada aur WAN se chota network hota hai. Is network ki madad se do sheher aapas mein jud jate hai, MAN koi bhi information jese IMAGE, VOICE, aur dusre DATA ko 200 MB/s ki speed se 75 K.M. tak ki duri tak bhej sakta hai.

Aamtaur par MAN School, Colleges aur Offices ko aapas mein jodne ke kaam ata hai. Badi-Badi bussines organization MAN network ka hi istemal karti hai jisse wo apne sheher ki sari branches se connected rahe.

MAN ke features
  • Ye puri city ko connect karta hai.
  • Iski speed high hoti hai.
  • Iska maintanance ka kharcha LAN se bohot zyada hota hai.
  • 75 K.M. ki duri tak data transfer kar sakta hai.

Wide area network (WAN)

WHAT IS NETWORKING IN HINDI
Wide area network

WAN sare networks mein sabse bada network hota hai. Iski range kuch kilometers tak hi simit nahi hoti balki ye 2 desho ko bhi aapas mein jod sakta hai, Balki kaha jaye to ye duniya ke sare computers se connected hota hai aur puri duniya ko hi ek dusre se jod deta hai.

WAN se connected network zyadatar public network ka hi use karte hai jaise LEASED LINE, TELEPHONE LINE, ya SATELLITE.

Internet bhi WAN hi hai aur, or bhi bohot sare Wide area network hai jese Airline reservation network, Military network aur Railway reservation network. Banks ke jitne bhi ATM hote hai wo bhi Wide area network ki madad se hi kaam karte hai.

WAN ke features
  • Ye wireless hota hai.
  • Ye pure world ko connect karta hai.
  • Isme data ko signals aur satellite ke zariye pure world mein share kiya ja sakta hai.
  • Is network ko banana aur thik karna bohot mushkil hota hai.
  • Isme DATA transfer ki speed bohot tez hoti hai.

What is networking in hindi par hamari soch

Dosto network ek esi chiz hai jiske bina hamara aaj pal bhar bhi guzara hona bohot mushkil hai, isi ki wajah se aaj hamare sare zaruri kaam hote hai jaise koi zaruri mail bhejna, kisi ko call karke uske haal-chaal puchna, bore hone par Youtube ya kisi aur social media par apna time pass karna.

Agar aaj aap ye post read kar paa rahe hai to wo bhi network ki hi badolat hai to yakinan network hamare liye bohot zaruri hai. Lekin bohot kam hi log hai jine network ki basic knowledge bhi hoti hai, to jo chiz apke liye itni zaruri hai uski knowledge hona ek acchi baat hai.

Mere khyal se aaj apko apke kuch sawalo ka to jawab mil hi gaya hai jaise “what is networking in hindi” , “types of network“, “what is data sharing“, aur “what is resource sharing

To dosto agar apke dimag mein network ko lekar ab bhi koi sawal ya sujhaw hai to use comment karke zarur bataye aur ye bhi bataye ki apko ye article “what is networking in hindi aaj samajh lijiye” kaisa laga.

 

Related posts

Leave a Comment