Web server kya hai-What is web server in hindi?

Web server kya hai-What is web server in hindi?

Hello dosto swagat hai apka hindverse par, aaj ka hamara topic hai “web server kya hai-what is web server in hindi?“. Internet duniya ka sabse bada network hai jispe lakho websites aur unka data maujood hai. Ab jaise Youtube ko hi le lijiye, youtube par har roz 60,000 hour ka data upload hota hai.

Jab is akeli website par itna sara data hai to zara sochiye pure internet par kitna data hoga. Ab esi aur bhi bohot si sites hain jaise Facebook, Instagram, Twitter etc. jin par rozana hazaro gigabytes ka data upload hota hai lekin ye sara data jata kaha hai?

To ye sara data jata hai in companies ke bade-bade web servers par in servers par hamara upload kiya hua data hamesha ke liye store/save ho jata hai aur fir hum ya koi aur use jab dekhna chahe tab dekh sakhta hai.

 

Web server in hindi (web server kya hai).

What is web server in hindi (web server kya hai).
Global web server

Jaisa iske naam se hi pata chalta hai web server yani jo web ko serve karta hai aur ye kaam ye HTTP (Hyper Text Transfer Protocol) ke dwara karta hai. Internet par itna sara data maujood hai to ye kisi insan ke bas ki to baat hai nahi ki wo is data ko calculate karta rahe aur dusro ko serve bhi karta rahe.

To is kaam ko karne ke liye hi in servers ko banaya gaya hai jo hamare data ko hamesha apne paas rakhte hai aur jab bhi koi use dekhna chahta hai to use dikha bhi dete hai. Example ke liye jaise is website par jitne bhi post hai wo ek baar published hue hai.

Lekin koi bhi in articles ko URL ke zariye jab bhi dekhna chahe dekh sakta hai kyunki is website ka data iski hosting company ke server mein hamesha ke liye save ho chuka hai.

Ab kuch log apne ghar mein hi apne PC ko ek chota sa server bana lete hai jise wo apne mobile, Laptop ya dusre kisi bhi device se jab chahe tab access kar sake aur apne data ko download kar sake, dekh sake ya fir usme naya data upload kar sake.

 

How web server work in hindi? (Web server kaise kaam karta hai).

How web server work in hindi? (Web server kaise kaam karta hai).
web server

Jab aap kisi bhi browser par internet ka use karke usme kuch search karte hai jaise “What is VPN in hindi?” to aap ek tarah se sare servers ko order dete hai aur fir jis bhi server par is search se related data maujood hota hai wo apka order maan kar HTTP ke dwara apko data show kar dega fir aap jis website par jana chahe uspar ja sakte hai.

Agar web server kharab ho jaye?

Esi koi bhi machine nahi hai jo ek baar banne ke baad kabhi kharab nahi hoti to shayad apke mann mein ye sawal bhi aya hoga ki kya hoga “agar web server kharab ho jaye?”.

In companies ke severs bohot hi high quality ke hote hai jinme hamare local computers se bohot hi zyada powerful processer, Ram aur hard disks lagi hoti hai to esa bohot kam hi hota hai ki ye kharab ho jate hai.

Lekin kabhi-kabhi servers par zyada load parne ki wajah se wo slow ho jate hai jaisa aapne suna bhi hoga ki is website ka server down hora hai ya is website ka server slow hora hai to ye server par zyada load parne ki wajah se hi hota hai.

Lekin is sab ke bawajood agar kabhi koi server kharab ho bhi jata hai to bhi us server ke data ko dusri disks se recover kar liya jata hai aur user ko hamesha wo data mil jata hai.

 

Types of web server in hindi (web server ke prakar).

  • Apache HTTP Server- Ye server puri duniya mein sabse zyada popular server hai jise Apache Software Foundation ne banaya tha. Ye open source hai jo ki lag-bhag har Operating system mein kaam kar sakta hai.
  • Internet Information Services- Internet Information server (IIS) ye server windows platform par chalta hai aur ise microsoft ne hi banaya tha.
  • Lighttpd- Ise lightly bhi kehte hai aur ye free web server hai jo ki FreeBSD operating system ke sath ata hai. Ye ek open source server hai jo fast aur secure aur bohot kam CPU power consume karta hai.
  • Sun Java System Web Server- Sun Microsystems ka web server medium aur large websites ke liye badiya rehta hai. Ye free to hai lekin open source nahi hai. Ye server window, linux aur unix platforms par chalta hai.
  • Jigsaw Server- Is server ko World Wide Web (www) ne banaya tha. Ye open source aur free server hai jo ki alag-alag platform par chal sakta hai jaise Mac OS, Windows, Unix aur Linux etc.

Waise to aur bhi bohot se server hai lekin ye sabse zyada istemal kiye jane wale web servers hai.

Web server in hindi par hamari soch.

Internet ek bohot kaam ki chiz hai kyunki isi se hum sari jankari lete hai aur apna data bhi isme upload karte hai lekin agar ese advance web server na ho to internet bhi kisi kaam ka nahi hai.

To aaj maine aapko bataya ki “Web server kya hai, What is web server in hindi?” , “Web server kaise kaam karta hai, how web server work in hindi?” aur “web server ke prakar, Types of web server in hindi“.

Ye article apko kesa laga aur apke mann mein web server ko lekar ab bhi koi sawal ya sujhaw hai to hume comment karke zarur bataye aur is article ko apne friends aur family ke sath bhi zarur share kare.

Related posts

Leave a Comment