running start karne ke liye kya kare?

running start karne ke liye kya kare?

Khud ko fit rakhne ka sabse badiya aur common tarika hai subah ke badiya mausam mein running karna. Running start karna wese to koi badi baat nahi lagti hai lekin jab ap esa krenge tab apko pata chalega ki yeh thora mushkil zarur hai lekin namumkin nahi hai. To kya hum apne aalas ko chor kar running start kar sakte hai?

Haan!! ap esa kar sakte hai. Main running karne mein koi expert nahi hu, aur shuru mein maine jo bhi chize galat ki thi wo aaj bhi mere dimag mein hai. Main yahi sochta hu ki kaash ye sab mujhe pehle se pata hota. Mujhe bhi running karte hue kuch mahine hi hue hai to ap samajh sakte hai ki maine bhi yeh sab karna bas kuch time pehle se hi shuru kiya hai.

running start karne ke liye kya kare?

 

1. goal set kijiye

 

GOAL SET KIJIYE

 

Agar ap ek bar running start karke chorna nahi chahte hai, to koi goal set karna hoga jese ki ap pehle din 2 ya 3 KM running karenge wo bhi bina ruke, ya phir ap itni duri tay karenge 20 ya 30 minute mein. Is sabse koi fark nahi padta ki akhir apka goal kya hai, jab tak ap us goal par kam karte rahenge. Jab ap thore experienced ho jaye aur apne goal ko pura karle, tab fauran dusra goal set karle jisse apke pas hamesha running karne ki ek wajah rahe.

 

2. plan lekar chale

 

PLAN LEKAR CHALE

 

Ap ek diary le aur usme sab kuch likh kar rakhe ki apko pehle kitne KM running karna hai, ya roz subah kitne baje uthna hai, ya agar ap kisi race mein hissa lena chahte hai to kitne din practice karenge. Bhale hi ap ye sab kahi likhe nahi aur apne dimag mein hi rakhe. Lekin, please ek plan bana kar chaliye kyunki bina kisi plan ke aap kuch dino mein hi thak kar shayd haar maan lein.

 

3. Apna style dhunde

 

APNA STYLE DHUNDE

 

Iska matlab ye nahi hai ki ap koi mehenga running gear kharide. Mera matlab hai ki ap kuch esa dhundiye jisse running karne mein apko maza aye aur ap kabhi running start karke khatam nahi kare – ab chahe apko khubsurat si location dhunde, ya phir earphone laga kar apne pasandida ya motivational gaane sune,ap bas kuch bhi esa kijiye jo apke kaam aye.

Shayad ap wo bhi ho sakte hai jise running start karne ke liye kisi ka sath chahiye ho, lekin kisi dost ke sath running karna har kisi ki qismat mein nahi hota hai. Ho sakta hai ki apka dost running ko lekar ap jitna serious na ho aur usko dekh kar dhire – dhire apka bhi interest khatam ho jaye. To isliye agar apko apke sath jane ke liye koi milta hai to accha hai warna ap akele hi running start karde.

 

4. apne liye sahi kit dhunde

 

APNE LIYE SAHI KIT DHUNDE

 

Running koi bohot mehenga sport nahi hai – bas ek bar apke basic ajaye, to ap running ke liye bilkul tyyar hai. Lekin ye zarur dekh le ki wo kit apke liye thuk ho. Apne nazdik koi specialist running shop dhunde aur waha jakr analysed kare ki waha ke gears apke liye thik hai ya nahi ap online bhi apne liye gears kharid sakte hai ya phir google ya youtube par pehle thori research karle aur uske baad ya to online mangwaye ya kisi shop se jakr kharide, lekin ye dekhle ki wo gears pehenne ke baad ap comfortable feel kar rahe ho.

 

5. apne sharir par dhyan de

 

APNE SHARIR PAR DHYAN DE

 

Apne ye zarur hi suna hoga ki jab ap esi koi excercise karte hai ya gym wagerah jate hai to shuru mein apke sharir ko is sab work out ki adat dalne mein kuch tym lagta hai jiski wajah se  apki body mein thora dard bhi hota hai, jo ki normal baat hai shuru mein ye har kisi ke sath hota hai. lekin, phir bhi jab ap running start kare to ek bar dekhle ki apke shoes wagerah ka size bilkul thik hai aur kisi aur gear mein bhi apko koi aur dikkat nahi hai. Agar apko shuru mein dard thora zyada hota ho to ap koi balm wgerah bhi laga sakte hai.

 

6. Dusri ecxercise nahi kare

 

DUSRI ECXERCISE NAHI KARE

 

Ap ye mat sochiye ki jab ap running start kar denge to ap koi dusri excercise kabhi bhi nahi kar sakte, Sirf esa samajh ki abhi ye sahi waqt nahi hai kyunki shayd abhi apki body injured bhi ho sakti hai ya apko koi aur dikkat ajaye. Esi aur bhi bohot si excercises hai jo apko running karne mein madad kar sakti hai jese: pilates, ya spinnig apki core muscles ko strenght dene mein bohot kaam ayegi, ap swim bhi kar sakte hai isse apki muscles stretch ho jayengi.

Jab ap running mein expert ho jaye to ap bina kisi pareshani ke dusri excercises bhi kar sakte hai.

 

To ab apko pata hai ki apko kya karna hai aur khud ko running start karne ke liye kese tyyar karna hai. Ap ek baat hamesha yaad rakhiye ki ap jitni bhi mehnat karenge uska fal bhi apko hi milega. Agar ap chahe to is post ko padne ke bad bhul sakte hai aur running ka khyal chor kar apni wahi unhealthy life ko jee sakte hai – lekin apko zindagi sirf ek hi bar milti hai aur agar ap use bhi ese barbad kar denge to kya fayda?

 

Is article ko padne ke baad apne running start ki ya nahi aur apko ye article kesa laga comment mein zarur bataye.

Related posts

Leave a Comment