IP address kya hai? (what is ip address in hindi).

IP address kya hai? (what is ip address in hindi).

Hello dosto swagat hai apka hindverse par, aaj ka hamara topic hai “IP address kya hai, What is IP address in hindi”. Duniya bhar mein internet ke lakho ya phir yun kahe ki crore users hain jo ki apne manoranjan se lekar apna zaruri kaam bhi sab internet par hi karte hai.

Hum khud bhi apna zyada tar waqt internet par hi bitate hai lekin fir bhi hume ye nahi pata hota ki IP address kya hota hai, lekin isme chinta ki koi baat nahi hai kyunki zyadatar log ese hi hote hai jinhe iske bare mein nahi pata hota.

Lekin mera manna hai ki knowledge jitni badaye utna behtar hai aur wese bhi internet aur hamara sath to anant tak ka hai to isliye isse judi jo bhi jankari hume mile accha hi hai.

To chaliye aaj vistaar se jante hai ki “IP address kya hai, What is IP address in hindi”.

 

What is IP address in hindi?

IP address ki full form hoti hai “Internet Protocol address”. Jab aap apne kisi bhi device Jaise mobile, computer, laptop etc. ko internet se jodte hai to use ek unique code diya jata hai jisse apki location aur nework ka pata chalta hai aur is code ko hi IP address kehte hai.

Chaliye IP address ke bare mein ek example se samjhte hai, maan lijiye kisi dusre sheher mein apka ek friend rehta hai jise aap kuch saamaan parcel (mail) ke dwara bhejna chahte hai to use wo saaman bhejne ke liye apko uske naam ke sath-sath uske ghar ka address bhi pata hona chahiye.

Taki aapka saman kisi aur ke bajaye sidhe apke friend ke paas hi pohoche. Ab jaise har kisi ke ghar, office ya koi bhi jagah ho sabka address alag-alag hota hai. Thik isi tarah har kisi ka IP address bhi alag hota hai.

 

IP address ke formats.

IP address 32 bit ke binary digits se banta hai jise yaad rakh pana bohot mushkil hota hai to ise aasan banane ke liye ise dot ( . ) laga kar 4 hisso mein bata gaya hai. In chaaro hisso mein 0 se 255 tak ke bich mein koi bhi number aa sakta hai. For example: 192.168.0.134

Kyunki har device ka IP address alag hota hai to 0 se 255 ke combinations se 4,294,967,296 (4 billion) unique IP address hi ban sakte hai. Ye Jo ki khatam hone ki kagar par hai kyunki aaj kal har aadmi alag-alag devices mein internet chalata hai to ek hi user ke paas alag-alag IP address hote hai.

IP address ka pehle wale verion ko IPv4 kehte hai lekin wo limited hai to is problem ko khatam karne ke liye hi IP address ka ek naya version bhi banaya gaya IPv6.

 

 

IP address ke versions.

IP address kya hai? (what is ip address in hindi).
IPv4 vs IPv6
  • IPv4 (Internet Protocol version 4): IPv4 internet protocol ka 4th version hai jise jis device par network chal raha hai uski pehchan karne ke liye use kiya jata hain. Ye 32 bit ka hota hai jo 4 billion (4,294,967,296) unique IP address ko support karta hai.
  • IPv6 (Internet Protocol version 6): Internet ke badte use ki wajah se IPv6 ko banaya gaya jo internet protocol ka 6th version hai ise IPng (IP new generation) bhi kehte hai. Ye 128 bit ka hota hai jo ki 340 trilion, trillion, trillion (340.282.366.920.938.000.000.000.000.000.000.000.000) unique IP address ko support karta hai.

Abhi tak IP address ke sirf 2 hi version aye hai IPv4 or IPv6. Lekin IPv6 mein hi itne IP support hote hai jisse ek user hi lakho unique IP address use kar sakta hai to iske khatam hone ki abhi to koi sambhawna nahi hai.

 

IP address ke types.

IP address kya hai? (what is ip address in hindi).
Static & Dynamic IP

IP address ke do versions hai ye to aapne jaan liya lekin abhi apko ye nahi pata ki in IP addresses ke types bhi hote hai to chaliye jante hai:

  1. Static IP addresses
  2. Dynamic IP addresses

 

Static IP address

Static IP address mein jo IP hota hai wo kabhi badalta nahi hai. Ye permanent aur simple address pradan karta hai communication ke liye. Static IP address ki madad se hum device ki bohot si details jaan sakte hai jaise country, state, city jaha bhi device located hoga.

Esi bohot si websites hai jisme aap IP address likh kar device ki location pata kar sakte hai jaise IPlocation.net

 

Dynamic IP address

Dynamic IP address dusri categor ke hote hai. Ye har bar badal jata hai jab bhi device internet se disconnect hokar dobara connect hota hai. Aap ye samajh sakte hai ki ye IP address ek tarah se IP address ke samundar se nikal liye jate hai. Kyunki static IP address limited hote hai.

Ab aap acche se samajh chuke hai ki IP address kya hota hai aur ab aap ye soch rahe honge ki main apne device (mobile ya computer) ka IP address kaise pata karu? to fikar mat kijiye main apko batata hu.

 

 

Apna IP address kaise pata kare?

1st method

Ye tarika sirf PC ya Laptop par hi kaam karega dusre method mein aap mobile ka IP address bhi check kar payenge. Sabse pehle aap PC mein windows ke ‘ICON’ par right click kijiye fir jo options ayenge usme ‘RUN’ ke option par click kijiye ya aap bina kahi par click kiye sidhe keyboard par hai “windows+R” press kar dijiye.

Fir apke samne ek window khulegi usme type kijiye ‘cmd’ or ‘OK’ par click kar dijiye. Ab apke samne command prompt ki ek window khulegi usme type kijiye ‘ipconfig’ aur fir apka IP address likha hua ajayega.

 

2nd method

Is tarike se aap kisi bhi device ka IP address pata kar sakte hai bas uss device mein internet connection hona chahiye. Aap apne device mein koi bhi browser kholiye aur fir google par type kijiye “what is my IP” ya “what is my IP address”. 

Google khud hi apko apka IP address bata dega. Aap chahe to kisi bhi IP address se us device ki location pata kar sakte hai IPlocation.com” is website par sirf apko IP address dalna hai.

 

What is IP address in hindi par hamari soch.

Dosto maine apko is article mein bataya ki “IP address kya hai”, “what is IP address in hindi”, “formats of IP address”, “versions of IP address” or “types of IP address”. 

Waise kya apko pata hai internet par apke IP address ko koi bhi hacker asani se track karke hack kar sakta hai aur apki personal information ko asani se hasil kar sakta hai. Lekin ese unauthorized access se bacha ja sakta hai VPN ki madad se. Agar apko pata hai VPN kya hai to bohot accha hai aur agar nahi pata to hamara ye article zarur padiye what is VPN in hindi?

Ye article apko kesa laga aur agar apke mann mein IP address ko lekar ab bhi koi sawal ya sujhaw hai to hume comment karke zarur bataye aur sath hi is article ko apne friends aur family ke sath share karna na bhule.

 

Related posts

Leave a Comment