Interview dete waqt kin bato ka dhyan rakhna chahiye?

Hello guys, abhi me bethe hue ye soch raha tha ki kese kuch log kitni  asani se kisi bhi interview ko crack kar lete hai aur apni marzi ki job hasil kr lete hai. Wahi dusri or kuch log ese bhi hote jinko kisi mamuli se job ka interview dene me bhi bohot ghabrahat hoti hai aur wo apni manpasand job ko apne hatho se gawa dete hai. To kya esa kiya ja skta hai ki ap apni dream job hasil kar paye?

Aur guys answer hai HAAN!!! maine kuch research ki hai jisse mujhe ye pata chala hai ki ap apni kuch normal si bato ka dhyan rakh kar zyadatr interviews ko crack kar sakte hai. Guys main ye nahi bol raha hu ki aap definetly interview clear kr lenge or job hasil kar lenge. Maine pehle bhi bataya ki maine research ki hai, lekin iska ye matlab nahi hai ki apko is post se kuch bhi madad nahi milegi, jin chizo ka zikr niche kiya gya hai agar ap un bato ka dhyan rakhenge to apko interview clear karne mein zarur madad milegi.

 

ye hai wo 13 hacks jo apko job dilane me madad karenge.

 

 

1. apne social media prescence par dhyan de.

APNE SOCIAL MEDIA PRESCENCE PAR DHYAN DE.

recruiters aur hiring manager apka resume to dekhenge hi lekin aaj kal interviewers apke social media prescence par bhi nazar dal sakte hai or social media se mera matlab facebook ya instagram nahi hai social media jese apki linkedin profile ya phir apka online resume. In fact, maine research me ye bhi dekha hai ki aj kal to recruiters interview dene walo ki videos ya blogs bhi check karte hai.

 

2. resume mein apne skills ko highlight kare.

RESUME MEIN APNE SKILLS KO HIGHLIGHT KARE.

Ap ye dikhana chahte hai ki ap kisi particular role ke liye ekdum perfect hai lekin jab ap apne baki ke skills ko bhi highlight krenge to usse ye bhi lagega ki ap us company ke bohot se role ke liye perfect hai. To jab resume ya cover letter ki baat ati hai to ap apne skills par zyada dhyan de jisse wo apko ek ideal candidate bnayega.

 

3. sahi shabdo ka istemal kare.
 SAHI SHABDO KA ISTEMAL KARE.

Ab ap soch rahe honge resume to wese bhi sahi shabdo mein hi hota hai, lekin sahi shabd ka istemal karne se ye matlab hai ki ap jis job ke liye apply karne ja rahe hai pehle uska description thik se padiye phir uske hisab se apna resume thora modified kar lijiye. Badi companies mein resumes kisi insan ke dekhne se pehle Applicant Tracking System se hokr guzarte hai aur dusro ke hi jesa hone ki wajah se shayd apka resume kisi ke dekhne se pehle hi reject ho jaye.

 

4. apne cover letter mein kuch anokha likhe.

APNE COVER LETTER MEIN KUCH ANOKHA LIKHE.

Apna cover letter likhte waqt jo apne resume mein likha hai usi ko repeat nahi kariye balki iske bajaye thora alag aur gehra likhne ki koshish kare. Interviewer apse ese bhi sawal puch sakta hai jese ” Ap company ko agey badane mein kya madad karenge? “, ” Ye company apko baki companies se alag or special kyu lagti hai? “. Ese sawalo ka jwab jitna explain krke de sakte hai de taaki ap baki candidates se alag lage.

 

 5. apne resume ki galtiya dhunde.

APNE RESUME KI GALTIYA DHUNDE.

Resume par ek simple spell check karna thik nahi hai balki apne resume ki galtiya pakadne ke liye apko kuch tricks ka use krna pdega jese resume ko niche se padna ya phir apne friend se boliye ki wo apke liye ek bar resume proofread krle jisse ap page ki har galti ko sudhar paye. Agar ap esa nahi karenge to ap kisi company ko ek esa resume bhej denge jisme bohot galtiya hongi or phir employer apke resume ko thik se check kiye bina hi reject kar dega.

 

6. Interview dene se pehle tyyari kare.

INTERVIEW DENE SE PEHLE TYYARI KARE.

Interview ke normal sawalo ki practie agar ap pehle se hi kar lenge to interview dene ke time bohot hi shant rahenge aur apke andar confident bhi ajayega aur jab ap confident ke sath interview denge to interviewer bhi apse jaldi hi impress ho jayega.

 

7.  apni job ke hisab se kapde pehene.

APNI JOB KE HISAB SE KAPDE PEHENE.

Kuch bhi fancy pehen kar nahi jaye or jab interview ke liye nikle to bilkul fresh hokar nikle khud ko pasina ane se bachaye agar ap pasine se bhare kapde pehen kar office jayenge to usse bohot bura impression pdega. Kuch esa peheniye jisme ap comfortable feel kare aur ap acche bhi dikhe jab ap acche dikh rahe hote hai tab apke andar confident bhi ajata hai or jab confident ajayega to ap interview me ap apna best denge.

 

8.  khud ko narm dil dikhaye.

KHUD KO NARM DIL DIKHAYE.

Kabhi-Kabhi sirf interview dena hi kaafi nahi hota hai balki apko apne hone wale boss par bhi ek accha impact chorne ki koshish kariye ap khud ko kisi bhi wajah se narm dikhane ki koshish kijiye. Maine research me ye bhi dekha hai ki  jo log apne interviewer se narmi se aur shant hokr unke sawalo ka jwab dete hai wo un logo se zyada asani se job pa lete hai jo bohot hi had-badahat mein interview dete hai.

 

9.  hamesha ek thank you note bheje.

HAMESHA EK THANK YOU NOTE BHEJE.

Ek recent study se pata chla hai ki 86% hiring managers ka kehna hai ki thank you note na bhejne se lagta hai ki interview dene wala job se zyada umeed nahi rakhta hai. To apni tamiz dikhaye or apne hatho se pen or paper lekar thank you note likhe agar ap esa nahi kar sakte to email bhej dijiye. Ye itna matter nahi karta hai ki apne note kis tarah bheja hai lekin thank you note bhejne se ye zarur zahir hota hai ki apki dilchaspi us job mein hai. Note ke andar interviewer ko unka samay dene ke liye dhanyawad kahe or unhe ye bhi bataye ki apne interview mein kya-kya sikha.

 

10. zyada personal  jankari nahi de.

ZYADA PERSONAL  JANKARI NAHI DE.

Shayd jab apse kaha jaye ki apne bare mein bataiye tab ap apne bachpan ki purani yadon ke bare mein batane lage. Please, esa krne se bachiye kyunki esa karne se shayd recruiter apki bato se bore ho jaye aur apki job apke hatho se chali jaye.

 

11. interview ke dauran active rahe.

INTERVIEW KE DAURAN ACTIVE RAHE.

Apne sare sawalo ka confidently jawab de lekin sirf recruiter ko hi sawal na karne de balki khud bhi confident ke sath kuch sawal karein. Agar ap is tarah ke sawal karte hai jese company ke development, management style aur teams kis tarah milkar ek sath kam krti hai ? to is sab se ye zahir hota hai ki ap is job ke liye behad serious hai.

 

12.  social media se khud ko brand kare.

SOCIAL MEDIA SE KHUD KO BRAND KARE.

Halaki ap jante honge ki facebook se to sirf ap apni life ko show off kar sakte hai. Lekin, kya ap ye jante hai ki ap social media ki madad se ek personal brand build kar sakte hai ? jisse ki hiring manager ke liye aur bhi attractive ho jayenge. Iska asan tarika yahi hai ki jo apke resume me likha hai usi ko hi expand karde jese ap un projects ki picture share kar sakte hai jin par apne kaam kiya hai, apne bare mein ek short bio likh sakte hai ya apne skills ke bare mein likh sakte hai ya phir ese articles share kar sakte hai jisse pata chalta ho ki ap apni industry ke expert hai.

 

13. pehle interview me hi sallery ki baat nahi kare.

PEHLE INTERVIEW ME HI SALLERY KI BAAT NAHI KARE.

Sallery ke liye sawal karna wo bhi pehle hi interview mein or khastaur se phone call wale interview me apke liye ek bohot badi na ho sakti hai. Kyunki yeh sahi samay nahi in tarah ke sawal karne ka kyunki abhi apne bas shuruat hi ki hai to sallery ke liye sawal dusre ye teesre interview ke liye bacha kar rakhiye.

 

Is post mein jin bhi bato ka zikr kiya gaya hai wo har ek interview mein kaam aye esa zaruri nahi hai lekin kisi na kisi interview mein inme se kisi bat se apko madad zrur milegi. Ap is samay kisi esi job ki talash mein honge jo apke lifestyle me fit bethe ya ho sakta hai apko apki job mil chuki ho aur agar nahi mili hai to tension mat lijiye apki mehnat zrur rang layegi.

is article ke bare mein apke kya thoughts hai comment section mein zrur bataye.

 

Related posts

Leave a Comment