Internet ki history – what is internet in hindi?

Internet ki history - what is internet in hindi?

Hello dosto swagat hai aapka hindverse par, aaj ka hmara topic hai “what is internet in hindi”.  Aaj ki duniya internet ke bina ek pal bhi nahi reh sakti. Agar esa kaha jaye ki aaj ke yuva ke liye internet unki jaan jitna kimti hai to wo kehna galat nahi hoga.

Kyunki aaj esa koi kaam nahi hai jo internet par na hota ho isiliye ye hum sabke liye itna zaruri ban gaya hai. Ab jis chiz ka istemal hum itna zyada karte hai uski knowledge hona to bohot zaruri hai. Agar aap kisi se bhi puche ki wo internet ke bare mein jante hai? 

To esa bohot mushkil se hi hoga ki koi iska jawab “nahi” mein de. Lekin zyadatar logo ko internet ke bare mein sirf itna hi pata hota hai ki isme hum kuch bhi likh kar uski jankari le sakte hai. Lekin baat sirf itni hi nahi hai, aaj main apko internet ke bare mein bohot acche se puri jankari dene ki koshish karunga.

 

What is internet in hindi? Internet kya hai?

What is internet in hindi? Internet kya hai?
Internet connect globally.

Kya apko pata hai network kya hota hai? agar nahi pata to yaha pad lijiye Network/Networking kya hota hai? Duniya ka sabse bada network hai internet. Jo puri duniya ke sare Computers ko aapas mein jodta hai jo ki ek mahajaal banate hai.

Iske naam se hi pata chalta hai ki ye ek jaal ki tarah hai jaise Inter = Aantrik, Net = Jaal to Internet = Aantrikjaal. Ab duniya bhar ke sare computers se judne ke liye hume ISP (Internet Service Providers) se internet connection lena padta hai. 

ISP hi hume internet se judne ka ek rasta deta hai. Ye hamare computer se internet ko wire ya wireless tarike se jodta hai aur jab hum internet ka istemal kar rahe hote hai to ise hi ONLINE hona kehte hai. Jab sare computers aapas mein jude hote hai to hum kisi bhi connected computer se koi bhi data apne paas le sakte hai.

Data kisi bhi format mein ho sakta hai Text, Image, Audio ya Video. Internet ko hi World Wide Web (www) kaha jata hai. Sare computers ko aapas mein jodne ka kaam router karta hai aur isi se hi hamare computer mein internet judta hai.

 

History Of Internet in hindi.

Sabse pehle 1969 mein america ke raksha vibhag ne Advance Research Project Agency (ARPA) ke naam se ek network launch kiya jisse scientist sirf gupt jankari ek dusre tak pohochate the aur 1971 mein Ray Tomlinson ne pehla Email bheja tha. Fir 1974 mein ek aur network banaya gaya jiska naam ARPANET rakha gaya aur is network ko upyog mein laya gaya.

Internet India mein kab aya.

INDIA mein pehla network 1986 mein launch hua jiska naam Educational Research Network (ERNET) tha. Lekin aam janta ke liye Pehla network 14 August 1995 mein Videsh Sanchar Nigam Limited (VSNL) ne launch kiya tha.

Bharat mein 1996 mein pehli email site rediffmail banayi gayi. 2000 ke dashak mein TECHNOLOGY ACT lagu hua aur Yahoo india or MSN india ki shuruat bhi isi dashak mein hui thi. India ki pehli Railway site irctc.in 2001 mein launch hui. 

 

INTERNET BOHOT HI KAAM KI CHIZ HAI LEKIN ISKE SATH ISKE NUKSAAN BHI BOHOT HAI.

Advantage & Disadvantage of internet in hindi.

Advantage & Disadvantage of internet in hindi.
Advantage-Disadvantage of internet.

Ab internet puri duniya mein phel chuka hai aur log isse pata nahi kitna fayda le rahe hai jo ki bohot acchi baat hai lekin isse jitne fayde hai utne hi nuksaan bhi hai to chaliye in dono bato ko hi dekhte hai.

 

Advantage of internet in hindi. (Internet ke fayde)
  • Make money- Internet se sabse bada fayda to yahi hai ki aap isse paise bhi kama sakte hai aur wo bhi pata nahi kitne tariko se. Iski wajah se desh ko ek naya rozgaar bhi mil gaya hai aur lakho log internet se hi bohot paisa kamate hai.
  • Learn anything- Internet se aap jo bhi sikhna chahte sab kuch sikh sakte hai. Aap ko bus google mein type karna hai aur apke samne hazaro esi websites aa jayengi jisse aap apni manpasand chize free mein sikh sakte hai.
  • Promote Business- Agar aapka koi business hai to use aap internet par promote karke apne business ko kayi guna bada kar sakte hai aur apni services ya product ko pure desh aur duniya mein bech sakte hai.
  • Communication- Ye sabse zaruri hai kyunki isse hum apne milo dur reh rahe janne walo se bhi chand seconds mein baat kar sakte hai ya unhe dekh sakte hai.
  • Social media- Is par to aaj kal ke yuva sabse zyada samay bitate hai. Bade-bade Social media jaise Facebook, Instagram, Twitter etc. par hum apne vichar lakho logo tak pohocha sakte hai.

Waise agar internet ke faydo ki baat ki jaye to un sab ko ek hi post mein likh pana bohot mushkil hoga lekin fir bhi maine apko internet ke sabse bade fayde batane ki koshish ki hai.

 

Disadvantage of internet in hindi. (Internet ke nuksaan)
  • Addiction- Internet ki sabse zyada badi samsya hai iski lat jo agar ek baar lag jati hai to khatam kar pana bohot mushkil ho jata hai.
  • Insecurity- Social media ka thik tarike se use karna acchi baat hai lekin kuch log apni choti se choti aur niji jankari bhi jane-anjane apne social media handle par dalte rehte hai jisse unki jankari har kisi ko mil sakti hai.
  • Hacker/Hacking- Kuch hackers ese hote hai jo aapki social activities par nazar rakhte hai aur sahi moka milne par apke data ko hack karke apko blackmail bhi kar sakte hai.
  • Pornography- Ye ek bohot hi badi samsya hai kyunki Porn sites par bohot zyada ashlil videos aur photos hote hai jise asani se koi bhi dhund sakta hai. Government esi site ko band karne ke liye pata nahi kitne prayas karti hai lekin wo sab bekar jate hai. Internet ke jitne bhi users hai usme adhe se bhi zyada users pornography dekhte hai.
  • Online games- Games to waise bhi logo ko asani se pasand aa jate hai lekin jab baat ati hai Online Games ki to wo kisi drug se kam nahi hai kyunki lakho yuva apne din mein ghanto online games mein yuhi barbad kar dete hai.

To ye the Internet ke kuch ese serious nuksan jinko waqt rehte nahi roka gaya to ye agey jakar aur bhi badi samsya ban jayenge. Kyunki desh ke yuva hi desh ka bhavishya hai aur Yuva hi internet par apna sabse zyada waqt barbaad karte hai.

 

What is internet in hindi par hamari soch.

Aaj apko maine bataya ki “What is internet in hindi, Internet kya hai?” , “History of internet in hindi, Internet ka itihaas” aur “advantage & disadvantage of internet in hindi, Internet ke fayde aur nuksan“.

Internet ne ab puri duniya mein apne per jama liye hai. Log ab bina khaye-piye reh sakte hai lekin bina internet ke shayd hi reh paye. Iske jitne zyada fayde hai utne nuksaan bhi hai. Hume internet ki virtual duniya se thora dur hokar apni asli duniya mein bhi active rehna chahiye.

Internet ka istemal sab karte hai lekin kuch usme sirf apna time barbaad karte hai wahi kuch log isi se apni lifestyle hi badal lete hai.

Ye article “Internet ki history – what is internet in hindi?” apko kesa laga aur internet ko lekar apke mann mein ab bhi koi sawal ya sujhaw hai to hume comment karke zarur bataye aur is article ko apne friends aur family ke sath zarur share kare.

 

Related posts

Leave a Comment