Hacker banne ki 10 free professional sites 2019.

Hacker | 10 free sites for learn hacking | in hindi

Kya ap hacker banna chahte hai? Hacking koi esa subject nahi hai jise ap ek hi raat mein chun le. Agar ap professional hacker ki tarah hacking sikhna chahte hai to wo bas kuch articles padne ya kuch websites par jane se nahi hone wala.

Lekin agar ap thora time lenge aur apne kaam ko serious hokar karenge to ap hacking sikh sakte hai.

 

White hat vs. black hat hacker

 

Hacking ki 2 forms hoti hai: “white hat” aur “black hat”.

White hat hackers ko ethical hacker bhi kehte hai, ye hackers kisi bhi system ya appliction ki kamzoriyo ko dhundte hai taki unhe aur secure bana sake.

Halaki, hackers ki aur bhi bohot si communities hai – black hat hacker bhi kamzoriya hi dhundte hai lekin sirf usse fayda uthane ke liye. To ab apko hacker ki community ke bare mein pata chal chuka hai to ye apki marzi hai ki apko hacking kis field mein jana hai.

Ap hacking ke sath-sath cyber security bhi  sikh sakte hai aur cyber security ki basic ya advance knowledge se ap asani se apni aur dusro ki life ko aur bhi zyada secure kar sakte hai. Ekbar jab ap ye samjhna shuru kar dete hai ki kese hackers attack karte hai aur ap kese inhe esa karne se rok sakte hai to issey apko cyber security industry mein job bhi mil sakti hai.

Aaj ke time cyber security sikhna bhi zaruri sa ho gya hai aur ese bohot se tarike hai jisse ap ye sab sikh sakte hai, Ab chahe ap sirf khud ko secure banane ke liye hacker banna chahte ho ya cyber security industry mein job pana chahte ho, niche di gayi ye 10 free websites se apko zarur madad milegi.

 

top 10 free websites hacking / cyber-security sikhne ke liye.

 

1. cybrary

CYBRARY

Cybrary hacking industry mein zyada purani to nahi hai lekin isme courses aur classes ki bohot badi range hai jisse ap basic networking se lekar advanced penetration tak sikh sakte hai. Is website mein bohot sare detail courses hai jo ki hacking industry ke proffesionals ne banaye hai.

Cyber mein bohot se topic shamil hai:

  • Ethical Hacking
  • Forensics
  • Social Engineering
  • Post Exploitation
  • Malware Analysis and Reverse Engineering
  • Bohot sare certification courses
  • Penetration Testing
  • Cryptography

Classes ki itni badi range ke sath-sath inke pas khas certification ke liye bhi material shamil hai: A+, Linux+, Network+, Security+, aur sath hi MCSA, CCNA, CISA, CASP, CISSP, and dusre bhi bohot se certifications.

 

2. securitytube

SECURITYTUBE

SecurityTube 2008 mein ek security researcher Vivek Ramachandran ne banai thi jo ki security industry mein ek trusted professional hai.

Jesa ki nam se hi pata chal raha hai, SecurityTube ko ap ethical hacking aur information security ka YouTube keh sakte hai. Isme sab kuch shamil hai basic se lekar penetration testing tak wo bhi alag alag fields ki variety mein. SecurityTube mein bohot sare security courses bhi hai.

Apne community style layout ke sath, SecurityTube apko bohot se courses bhi offer karta hai wo bhi khud Vivek aur bohot se security researcher ke banaye hue. Is site mein apko hours ke hisab se security, vulnerability, aur hacking se juda content milega.

Eight years tak free courses dene ke baad Vivek ne apni ek aur site banai pentesteracademy Jiske courses ke liye apko pay karna padega. Lekin, isme wo apni security classes aur bhi zyada gehrai se samjhate hai. Halaki, SecurityTube par jitne bhi courses hai wo 100% free hai aur lifetime free hi rahenge.

 

3. Harvard/edx

HARVARD/EDX

Apne sahi pada Harvard! apko inki classes lene ke liye kisi prestigious college mein hona zaruri nahi hai. EDX isi liye to bani hai. Ap isme free mein signup karke inke college-level ke courses le sakte hai. In courses mein sab kuch hai Business se lekar agriculture tak. EDX apko college course ki madad se sab kuch sikha dega.

EDX ne top institutions se college-level courses ko ikhatta karke sab ke liye online publicly available kar diya hai. Agar ap apne college courses ke liye certified form lena chahte hai to ye Apko $100-$200 mein EDX par mil jayega. Is se ap kisi job ke liye bhi apply kar sakte hai aur ye dikha sakte hai ki apke pas ek proper certificate hai aur ap college-level ke courses bhi kar chuke hai.

Is site mein apko ghanto ka content milega jisme activities aur fun excercises bhi shamil hai. Ye apke typical college courses jesa nahi hai, yaha ap hacking sikh rahe hai.

 

4. sans cyber aces

SANS CYBER ACES

The SANS institute ek esi company hai jo information security aur cybersecurity training mein specialize hai. The SANS institute world ke top information security trainers mein se ek hai. Jo har saal bohot high-priced classes deta hai.

Lekin unki darjano high-value classes ke bich ayi SANS cyber aces, ek free information security hai jo SANS institute ne hi banai thi. Jab SANS ko esa ehsas hua ki har koi sirf 4 din ke cyber security course ke $5,000 pay nahi kar sakta to unhone Cyber aces ko banaya.

Cyber aces teachers aur student dono ke liye hi experts dwara free information security course banata hai. Jese-jese cyber aces grow karta ja raha hai isme aur bhi information judti ja rahi hai.

Agar apko Cyber security ki training chahiye wo bhi professionals se to ek bar SANS institute aur Cyber aces par jakr zarur dekhe

 

5. leap

LEAP

LEAP last four websites hacking sikhne ke liye list mein bohot hi badiya websites hai jisme kuch free cyber-security courses bhi hai jinhone alag-alag courses cover kiye hai: cyber security fundamentals, cyber forensics fundamentals, cyber law, aur countering cyber attacks bhi.

LEAP mein bohot sare courses hai beginners ke liye. Cyber security fundamentals ke liye bohot acche se bana hua course hai jo apko hacking aur security basics sikhayega.

LEAP ke badiya aur update courses ke sath hi ye certfications bhi deta hai jiska matlab agar ap koi course complete kar lete hai aur chahte ki apko iska certificate bhi mile to apko bas thori fee pay karni padegi aur test dena hoga.

Apke cyber-security sikhne ke safar ki shuruat ke liye LEAP ek bohot badiya introduction resource hai.

 

6. hacking tutorial

HACKING TUTORIAL

Hacking tutorial mein apko resources ki list milti hai jo apko kuch tricks sikhayegi alag-alag tarah ke apps, operating systems, aur devices hack karne ke liye.

Jis tarah ka content apko is website par milega uske kuch examples:

  • Articles jese “3 Steps Gmail MITM hacking using Bettercap”
  • Tutorials jese “how to bypass Windows Applocker”
  • Hacking news
  • Phone Hacking tips
  • Reviews of online hacking tools
  • A significant library of free hacking eBooks and reports

Is website ke articles aam taur par chote hi hote hai, aur inki grammer bhi har baar perfect nahi hoti. Halaki, isme zyadatar highly technical step-by-step instructions hai jiski madad se ap apna kaam asani se kar payenge.

 

7. hack a day

HACK A DAY

HACK A DAY ek esa blog hai jo engineers ke liye bana hai. Ye codes wali hacking ke bare mein kam aur kisi bhi chiz ko hack karne ke bare mein zyada hai.

Inki posts mein innovative projects shamil hote hai jese robotic bulids, purane electronics aur gadgets ko modify karna aur bhi bohot kuch.

Ek hi saal mein, Hack A Day sirf ek website se badalkar ek famous blog ban chuka hai.

Inke pas ek dusra domain bhi hai hackaday.io, jisme ye readers ke submitted projects ko host karte hai.

Is site mein electronic devices ko kese hack karna hai ye sikhate hai jese kisi Gameboy ya koi digital camera ko bilkul modify karna. Hackaday ne logo ese modifications sikha kar hacking ka matlab hi badal diya hai.

Yeh ek annual hackaday price competition bhi karte hai. Jisme hazaro hardware hackers mukabla karte hai saal ki best bulid ke ultimate prize ke liye.

 

8. hack in the box

HACK IN THE BOX

Hack In The Box ek saal mein hi kaafi badal chuki hai. Ye site asal mein 4 bade subdomains se bani hai, har domain ek khas wajah ke liye hai jo pure world ke hackers ke liye hai.

Site ka main focus security aur ethical hacking par hi hai. Isme ek news aur magazine ka section bhi hai jisme naye hacker jo hacking sikh rahe hai unke liye content update hota rehta hai.

Site ke 4 bade subdomain sections:

  • HITBSecNews: Yeh mashoor blog har badi industry ki security news deta hai. Is blog ke major topics mein shamil hai: Microsoft, Apple, and Linux. Dusre topics bhi hai jese hacking news, science,  technology, aur law.
  • HITBSecConf: Ye pure world ke professional hacker aur researchers ke liye Netherland mein har saal hone wali conference ke liye hai.
  • HITBPhotos: Photo albums ka ek simple collection jisme har saal hone wali conference ki images hoti hai.
  • HITBMagazine: Yeh page un print magazine ke highlights deta hai jo Hack In The Box 2014 tak apne subscribers ko bhejta tha. Is page ka blog section abhi bhi active hai jisme site se judi kuch bhi updates ati rehti hai, Hack In The Box ab magazine print nahi karwata hai.

Is site mein technical hacking tips ke bare mein zyada nahi hai, balki apke daily problems ko jaldi fix karne ke liye hacking news ati rehti hai.

International Hacking Community se judi gossip aur news ko janne ke liye HITB ek badiya resource hai.

 

9. Hack this site

HACK THIS SITE

HackThisSite.org ek bohot hi coolest free programmer training site hai. Jaha ap sikh sakte hai ki hacking kese kare. Sirf left navigation pane mein chal rahe challenge ko accept kijiye aur apka task shuru.

Is site mein bohot tarah ke missions hai. Yaha par apko site ki kamzori dhundni padti hai aur fir apne naye hacking skill ko azma kar dekhna hota hai. Apko site ke sare articles bohot dhyan se padna padenge web page ko hack karne ke liye.

HackThisSite.org missions: Basic, Realistic, Application, Programming aur bohot kuch.

Agar ap properly sikh jate hai ki is site ke sabse mushkil missions ko kese hack karna hai to, aap ne apne liye “hacker” ka title hasil kar liya hai.

 

10. exploit database

EXPLOIT DATABASE

Chahe ap black hat hacker hai ya white hat, the Exploit database ek important tool hai jo har hacker ko istemal karna chahiye.

Ye update hota rehta hai naye exploits affecting applications, web service, aur bhi bohot kuch ke sath. Agar ap janna chahte hai ki purane hacks kese work karte hai aur kese patched hote hai, To is site ka papers section apke liye hi hai.

Is area mein magazines ke download bhi shamil hai jisme duniya ke aaj tak ke hue har bare exploit ke bare mein hai.

 

Important ending Note

Ab esi koi wajah nahi hai ki ap cyber security ya hacking ko career ke taur par nahi chun sakte ya us career mein risk hai. Online ese lakho resources available hai jise sikh kar ap ek professional hacker ban sakte hai.

Ab ap chahe ye sab sirf maze ke liye sikhna chahte ho ya kisi project ke liye, Internet security ke basics ap thori mehnat karke sikh sakte hai.

Ye to un lakho mein se sirf 10 sites hai. Lekin ye comment mein zarur bataye ki apne kis site se apne career ki shuruat ki hai. Lekin is baat ka dhyan rakhiye bhale hi black hat hacker zyada earning kar leta ho lekin white hat hacker ka future safe hota hai aur wo kisi bhi tarah ki problems se bacha rehta hai.

 

extra bonus

Agar ap android hacks jese wifi kese hack kare ya kisi online game ko kese hack kare janna chahte hai to apko hamara article “10 android hacking apps with download links” zarur check karna chahiye. Apko ye android apps zarur pasand ayenge.

Ye article kesa laga aur apne kis site se hacking sikhna shuru ki hai comment mein zarur bataye aur agar ap kisi aur topic ke bare mein bhi janna chahte hai to hume comment mein bataye.

 

Related posts

Leave a Comment