Digital unlocked – Professional internet marketing free mein.

Digital unlocked 2017 mein Google ke CEO Sundar pichai ke dwara launch ki gayi ek esi scheme hai jise khastaur se India mein reh rahe business man ke liye banaya gaya tha. Jab Sundar pichai India aye to unhone Ministry of Electronics and Information Technology of India ke sath milkar isko launch kiya.

Digital unlocked ek esa skill training program hai jisse India ke business mans internet ki power samajh paye aur is program ki madad se wo apne internet skills sudhar le taki wo apne business ko bohot bada bana sake aur apne business se bohot profit kama sake hai.

Sundar pichai ne ye bhi kaha ki Internet ki power se India ke chote bade sabhi businesses ko ek boost mil sakta hai aur isse india ke economy ki bhi growth hogi. Unka ye bhi kehna hai ki aaj ke time mein koi bhi kuch bhi ban sakta hai bus usko guide karne ke liye sahi tools aur direction mil jaye aur isi liye Digital unlocked har ek insan ko internet par safal hone mein madad karega.

Digital unlocked se kya fayda hoga?

Digital unlocked ko launch karne se pehle google ne ek research kari jisme usne paya ki india mein 51 million businesses hai jisme 68% offline hai. Unki study ka ye bhi kehna hai ki Google Digital unlocked ki madad se 2020 tak offline business 46-48% tak ho jayega. Unka ye bhi kehna hai ki jo business offline ke sath-sath online bhi available hai dugni tezi se grow ho rahe unke bajaye jo sirf offline hi availabe hai.

Online business ki growth hone ki sabse badi wajah to yahi hai ki online apko apke sheher ya apki state ke bahar ke customers bhi ap jo bhi service dete honge le sakte hai.

Chote business isliye bhi offline rehte hai kyunki unko digital technology aur technical skills ki knowledge bohot kam hoti hai. isliye digital unlocked se judkar chote business man bhi apne business ko bada kar sakte hai.

Google Digital unlocked kya hai?

GOOGLE DIGITAL UNLOCKED KYA HAI?
Screenshot of digital unlocked

Google ke is program ko teen format mein banaya gaya hai online, offline aur mobile. Is program ki offline training google FICCI (Federation of Indian Chambers of Commerce & Industry ) ke sath milkar dega. Iski 5000 workshop india ki 40 cities mein available hai.

Iske online format mein 90 tutorial video hai jinhe khastaur se india ke liye hi banaya hai. Ye sare tutorials google ke internet marketing experts ne milkar banayi hai jo ki bilkul free mein available hai.

Aap yaha click karke is program ko free mein join kar sakte hai: Google Program

In sare tutorials ka main maqsad yahi hai ki internet par aap apni pehchan kaise banaye aur apni website ko logo ki nazar mein kaise laye jisse apka business tezi se grow kare. Isme ye bhi sikhaya gaya hai ki aap google adword ko use karke bhi apna business kaise grow kar sakte hai.

Google Digital unlocked certified

Jab aap is program ke free courses complete kar lenge to, uske baad aap google ko ek 40 questions ka exam bhi de sakte hai jiske baad google apko certificate bhi dega. Apko certificate PDF format mein milega jise aap kabhi bhi download kar sakte hai. Certificate milne ka matlab aap ek certified internet marketer ban chuke hai. aap ye certificate apni  CV mein add karke job ke liye bhi apply kar sakte hai.

  • Ek phone mein do Whatsapp chalaye

Kyunki india mein mobile users zyada hai isliye Google ne digital unlocked ka free app bhi banaya hai jise aap Android aur iOS dono ke liye Google play aur iOS app store se download kar sakte hai.

Last words

GOOGLE DIGITAL UNLOCKED CERTIFIED
My learning page.

Aap Google digital unlocked ke bare mein sab kuch jaan chuke hai. iska interface bohot hi asan hai aap jo bhi courses chunenge usko “My learning plan” me add kar sakte hai aur apne program ko dekh sakte hai ki apne apna kitna course complete kar liya hai.

Issey jitna sikh sakte hai sikhe aur sikhne ke sath experts dwara bataye steps ko apply bhi kare aur sath hi patience bhi rakhe aur fir dekhiye kaise apka business grow karta hai.

Agar apka ab bhi koi sawal ya sujhaw ho to comment mein zarur puche aur is article ko apne friends aur family ke sath bhi share kare.

Related posts

Leave a Comment